ابي احكي واسولف عنك يا اغلى من الوجدان
ولكن الحكي وقف وخانتني عباراتي
الا يالعنبو كل المعاني وقفت قصران
متى توفي واسولف عنك يا امي يا اغلى نشواتي
انشهدكل شي عقبك غدى باهت بدون الوان
فقدت الحب والتحنان ومعها كل راحاتي اشوف الحزن جايركض على قلبي وهو
ولهان
بيحرق مابقى بقلبي وينثر باقي رفاتي
ذبحني الشوق يايمه وعقبك صرت انا تلفان
قتلني بعدك الظالم نحر فيني سعاداتي
غيابك فجر بقلبي زلازل زوبعه وبركان
صفير الريح في جوفي كوتني وزادت آهاتي
حياتي انتي ونور القلب والاعيان
ضناني الشوق لك يمه وانا مدري وش سواتي
بعد ماغبتي يايمه نحر فيني الزمان ازمان
الا يامن يرجع لي زمانن ولى وفات:ي:
ماكنت احسب لموتك يابعد ناسي ابد حسبان
رحلتي في الخميس واصبح يتيم مثل حالاتي
في ذيك الليل سولفنا والحكي نشوان
ضحكنا ملء هالكون ولا ندري وش الآتي
جلست اوكلك بيدي وشبعتي يابعد من كان
مسحت شفاك وبستك وقلت رضاك غاياتي
مسكت ايدي وقالت عسى تزهد بها النيران
وانا قبلت مابين العيون وقلت ياذاتي
عساني ماني من اللي بدل الطاعه لك بعصيان
رضاك يهمني والله وهو آخر محطاتي
وفجأه كل شي صار قلب ذاك الفرح احزان
خذاك الموت من يدي وانا ابكي كل لحظاتي
سليت الموت يايمه وخذاني عنه النسيان
واثاري الموت ماينسى وهو هادم ملذاتي
ياليت الموت لولحظه صبر ما غمض الاجفان
ترك لي امي اقولها بقايا من حكاياتي
حضنت امي وانا ابكي واقبل كل شي بان
رجيتك لاتخليني خذيني بكل حالاتي
رجيتك يابعد كلي وكلي لك غدى شفقان
انا ودي املي منك يمه كل نظراتي
بكيت وصحت بأعلى الصوت انا الهايم انا الغرقان
انا اللي في متاهاتي شرقت بكل غصاتي
الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي
احس اني اعيش بكون فاضي مابه اي انسان
احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي
كلمات حزن عيد الام المتوفية 2013 ، اشعار حزينة عيد الام 2013 ghlasa2.gif
- ماتت أمي .. فماتت الدنيا , ماتت أمي .. فمات العالم , ماتت أمي .. فمات الناس
- ماتت أمي.. وتركت لي الحياة ليلة عزاء طويلة , فلم تعد النجوم على الأرض إلا مصابيح مأتم أقيم بليل حزين
- يد لا تعرف إلا العطاء , وقلب لا يعرف إلا الحب والصفح والغفران , ووجه لا يعرف إلا الإقبال والابتسام
- ماتت سر أسراري , وهداية حيرتي , وترجمان كياني
أي طعم للحياة بلا أمي ؟
اللهم ارحم أمي واغفر لها ,, اللهم قد سلمت لك الروح , وانقطعت الأسباب إلا سببا موصولا بك , فاللهم أكرم نزلها ووسع مدخلها واغسلها بالماء والثلج والبرد, واجمعنمي بأمي في جنة عرضها السماء والأرض
1 تعليقات
الله يرحمك يا امى
ردحذفأهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..