شرح مفصل لطبيعة امتحان الهيئة السعودي برومترك ومصادره 2015

السلام عليكم اولا متشكر لكل الاخوه على تهنئتهم بالنجاح
ثانيا حبيت ارد على على سؤال طيبعة الامتحان فى بوست منفصل كى يستفيد اكبر عدد من الاخوه

-طبعا انا بتكلم عن امتحان GP وانا امتحنت هنا فى مصر
-بداية كل اللى بتاخده معاك الباسبور فقط ومش محتاجين اى اثبات اخر
-بتسلمهم الباسبور وبتضع كل متعلقاتك الشخصيه حتى ولو مناديل فى خزنه خاصة ومع ذلك بيفتشوك تانى(معدش فى ثقه )ماعلينا

-بعد لما ياخد بصمة ايدك بتدخل على الكبيوتر المخصص لك بيدا يعرضلك فى خمس دقائق غير محسوبين من وقت الامتحان طبيعة الامتحان وكيفية الاجابه
-الامتحان عباره عن 70 سؤال فى ساعتين
-هناك عدا بالوقت فى اعلى الشاشه على اليمين بيعد تنازلى الوقت المخصص ليك
-تبدا تجاوب عن الاسئله وكل لما تخلص سؤال تضغط next اسفل الشاشه
-السؤال اللى انت مش عارف اجابته او جاوبت وشاكك فى الاجابه تضغط markعشات ترجعله فى الاخر ووبعد الmark بتنتقل على السؤال اللى بعديه
-فى تهاية الاسئله بتضغط review اللى بيعرضلك كذا اوبشن بتختار marked q بيعرضلك الاسئله اللى انت كنت مش عارفها او شاكك فيها وعملتلها mark
-فى اختيار اخر review all بيعرضلك كل الاسئله من الاول عشان لو فى سؤال نسيت تعمله mark تقدر ترجعله
-ماتقلقش لو انت عملت mark وجاوبت السؤال ونسيت ترجعله فى الreview بيتحسب درجته بس اللى ماتجاوبش مش هيتحسب طبعا
ده نظام الامتحان بالتفصيل وادعو الله انه يوفق الجميع
-نقطه اخيره الامتحان مش صعب ولا معقد ابدا ال500 سؤال ومذكرة ام القرى بتعديل الطائف كافى انك تجتاز الامتحان لانهم بعلموك كيفية الاجابه وطريقى التفكير ونصيحه للى لسه ماحجزش انه يحجز عشان يتقيد بميعاد محدد وينجز
اسف على التطويل ولكن اتمنى انكم تستفيدو


 المصدر

Ihap M.zaki