نصائح وارشادات بخصوص الزمالة البريطانية فى الاطفال 2015

الزمالة البريطانية لطب الاطفال(mrcpch)
فوايدها
١-في الخليج
اتكلم بوجه خاص عن الكويت حيث اعمل ولا ادري عن باقي دول الخليج
اذا انت واخدها قبل ما تتعين في الكويت فلها تقلها المحترم من ناحية القبول والوضع حتى لو ماكنش معاك ماجستير ولا غيره

اما لو خدتها وانت بتشتغل اصلا(برضه اقصد الكويت) فبتساعد على الترقية بشرط تكون واخد الجزء الاول قبل ديسمبر ٢٠١١(ليه ماعرفش-هما قرروا كدة فجأة)
٢- في مصر
تعادل شهادة الماجستير من غير رسالة يعني ماجستير مش كامل
٣-في البلاد الاجنبية
-لندن:تحتاج معاها ايلتس بسكور عالي عشان تسجل في الgmc وبعدين تدور على وظيفة وتقدر ترجع للبوستات بتاعة الدكاترة الافاضل في انجلترا تفهم منها بالتفصيل
-ايرلندا:ممكن بالزمالة ومن غير حاجة تانية تسجل في الimc وبعدين تدور على شغل وبرضه ممكن الباقي نعرفه من الدكاترة الافاضل في ايرلندا
-بلاد اخرى مثل سنغافورة وماليزيا على مااعتقد بدون ايلتس برضه
٤-علميا هي شهادة مفيدة جدا وخلال سكة المذاكرة والامتحانات هتحس ان مستواك اختلف كتير وان الطب حاجة تانية غير اللي بندرسه في مصر
٥-ليس لها اي قيمة في كندا وتقريبا كدة في استراليا
-شروط دخول الامتحان:
الحصول على البكالوريوس
التسجيل عن طريق الدخول على الموقع بتاع الroyal college وسهل ومافيهوش مشاكل
الامتحان عبارة عن ثلاثة اجزاء،الاول والتاني written والتالت clinical
كلهم بيتعملوا في كذا بلد والكلام واضح في السايت بتاع الكلية
من واقع تجربتي الشخصية المصدر الرئيسي لمذاكرة اول جزئين هو موقع الpastest ،من وجهة نظري سايت رائع بيعودك على طريقة اسئلتهم ولكن برضه هتحتاج بعض الكتب سامحوني مش متذكرة اساميها بس لو رحت مكتبات الكلية وسألت عن كتب الجزء الاول هيدوهالك كلها طبعا مش كلها كويسة وممكن اللي يحب يسألني عن اذا كان الكتاب كويس ولا لأ ولكن لا اتذكر اساميهم ولو حد من الشباب معانا ذاكرته احسن مني ممكن يساعدنا ويقولكم عليهم
الجزء التاني اتقل شوية من الاول بس نفس السيستم يزيد عليه الصور والecg
النجاح في الجزئين الاول والتاني ب pass mark متغيرة حسب كل امتحان
الجزء الكلينيكال هو الاهم واللي بيشغل ناس كتير وممكن يمنعهم التفكير في دخول الامتحان ولكن الموضوع محتاج تخطيط واصرار ودعاء
مفتاح النجاح في الجزء ده هو group study لان لهم طريقة معينة عاوزينك تجاوب بيها وطريقة لفحص الحالات ووقت ضيق جدا وعاوز تدريب كتييييييييير
الامتحان مش صعب هو بس غريب علينا وفي ناس كتير بعد مافهمت الطريقة وخططت صح نجحت من اول مرة،كورسات د عبلة الالفي مفيدة جدا ومهمة خاصة للي مش بيشوف حالات كتير
طبعا في كتب مهمة للكلينيكال برضه .
الامتحانات دي مكلفة شوية مع اشتراك السايت والكورسات والسفر للامتحان لو احتاج الامر فلازم تحسبها كويس
اتمنى اكون اديت فكرة ولو بسيطة عن هذه الشهادة للي مهتم يعرف عنها ويسعدني الاجابة عن اي اسئلة في حدود معلوماتي

Huda Gad الدكتورة هدى