تحذير وتنويه هام جداً :
طبعاً اغلبنا شاف الإعلان بتاع الهجرة لكندا في جريدة الوطن اللي على الرابط دا ، وصورته اللي تحت:
http://elwatannews.com/
وأنا واحد من اللي فتحوا الموقع بسرعة ومشيت في إجراءات التسجيل ، الموقع اللي جريدة الوطن بترشحه _ وفيما يبدوا إنه إعلان مدفوع مش مجرد خبر ، أو سطحية من المُحررة للخبر - فقد تبين لي التالي:
- سجلت على الموقع عادي عشان أشوف إيه الاجراءات المطلوبة والأوراق ، ولو في شهادات خبرة أو متطلبات ويبقى كسبت وقت لو بفكر إني أهاجر.
- الموقع طلب معلومات عادية زي الايميل ورقم الهاتف والاسم.
- الخطوة التالية لاقيتها على طول خطوة الدفع بالفيزا لمبلغ 600 دولار طبعاً انا مادفعتش وقفلت الموقع لأنى في حاجة غلط.
- لاقيت اتصال الصبح من الرقم دا :
1-917-979-8838+
ماردتش لأنه صحاني من النوم مصدع وكمان كان ظاهر انه من أمريكا وقلت لعله حد من اللي قدمت وظايف قبل كدا وبيتصل بيا وصراحة هيفوقني لما اتكلم معاه في انترفيو وأنا في عرض 10 دقائق نوم من التعب ، فنفضت له وقلت أكيد هيعاود الاتصال.
- قبل العصر بنص ساعة لاقيت نفس الرقم بيتصل ، رديت وعرفت نفسها جيسكا تايلور - دي حاجة كدا زي ما تتصل عليك واحدة مصرية وتقولك اسمي ليلى علوي - قلت ماعلينا ..عاوزه ايه ؟
أنا بكلمك بخصوص الهجرة لكندا عرفنا عن نفسك مؤهلاتك وبتشتغل ايه وراتبك كام.. وعرفنا عن زوجتك وبتشتغل ايه .. بعد شوية لك في التفاصيل والخبرات ...طب عاوز تهاجر ليه وأنت عايش زي الفل وبرا بلدك كدا كدا ..رديت بقى بحوار الاحتكاك بخبرات عالية وكمان تعليم كويس لو انا عاوز أكمل تعليم عالي برا .. ردت انها متفهمة وكمان أنا عارفة ان في اضطهاد في مصر للمصريين والظروف صعبة وكمان في السعودية بنظام الكفالة مش بيعطوك احترامك كأجنبي ... أبشر يافندم انت هتكون مؤهل جداً لبرنامج الهجرة .. طب زوجتك بتشتغل على كدا في السعودية ..لأ ..تمام متفهمة دا عشان العنصرية ضد المرأة .. أنا مزبهل ... شوية خبط على الكمبيوتر قدامها ..مبروك يافندم أنت مؤهل للبرنامج وبسكور عالي !!
طبعاً معرفتي بالهجرة لكندا الإجراءات مش سهلة اوي كدا ، وطبعاً استفقت من الموضوع دا وانتبهت انها وكالة بتساعد في برامج الهجرة ..
استرسلت معايا في مميزات العيش هناك وهتلاقي نفسك عمدة تورونتو يافندم أول ماتوصل وكمان هيستقبلك رئيس الوزراء هناك ... خلصي يابنت اللكاكة هاتي الفولة ... المطلوب منك يافندم 1900 دولار شاملة امتحانات الـ IELTS لك وللمدام ..ماشي ..سيبيني بقى وانا هبقى افكر .. بمنتهى الغتاتة ولا كأنها سمعت حاجة .. اكتب ورايا يافندم رقم السجل بتاعك واسمي عشان يبقى مرجع ليك معانا بعد الدفع ..ماشي ..
هات بقى يافنم الفيزا كارد بتاعتك عشان نتأكد انها تنفع تدفع عندنا عشان في بنوك في السعودية بتقفش علينا ..قلت لها ازاي يعني مالكيش دعوة وقت الدفع انا هتصرف ..قالت لا لازم نتأكد انت خلاص بقيت عميل مهم عندنا واحنا اللي هنخلص كل حاجة ..قلت لها مين بيقول كدا انا مش معاق اني ادفع بأي طريقة من هنا لهنا ..قلت ماشي أنا هلاعبك .. في ماستركارد مصري يمشي معاكي (لأنه منتهي فمش فارق معايا ) ؟؟ قالت لا ..قلتلها دا HSBC ومعترف بيه يعني مش بنك أم الخلول !! دخلته وقالت طب تاريخه اديتها تاريخ صالح ..شوية وقالت اسفين يافندم مش شغال ..حاجة تانية إحيات أبوك ياشيخ..
هات أول 6 أرقام من اللي معاك .بس..اديتها الفيزا الصحيحة وطلعت اسم البنك صح والبلد اللي فيها .. قالتلي شفت أنا عفريتة ازاي وعندي اتصال ببنوك العالم وأقدر أجيب كل بياناتك من غير مجهود ودا يخليك تثق فينا أكتر..قلت في عقل بالي انت شايفني داقق عصافير مانا ممكن اجيبلك تاريخ حياتك نفسه .. طب يافندم هات بقى رقم الكارت بالكامل .. يابنت التيت ...ماشي طلعت كارتين تانيين واخدت اول 8 ارقام من هنا على اخر 8 ارقام من هنا ..قالت لي الرقم غلط ..قلت مابدهاش بقى ..اديتها رقم Dept بتاع البنك لأنه مش هتقدر تسحب منه إلا لما أنا أحول له فلوس ..قالت ممتاز هات بقى ال CSC (أو الـ CVV أو CSC ودا الرقم السري للكارت اللي بمثابة بصمتك ) طبعاً أنا انبهرت من الجرأة ...قلت لها أنت مجنونة ازاي اديكي الرقم السري بتاع الكارت ومعاك بيانات الكارت انت كدا بقى الكارت ملكك !!
شوية بقى تنويم مغناطيسي بكام ضحكة رقيعة وسهوكة حريم وانها تقدر تعمل دا من غير الرقم السري يافندم وانت لازم تثق فيا عشان انت عميل مهم لينا واحنا هنخدمك خدمة العمر ومش معقول تكون بالتفكير دا وانت عاوز تهاجر برا ..(يعني انت راكب جمل يافلاح وانا هنضفك) .. طبعاً وصلة تعليم على أمها في أصول أمن المعلومات الشخصية .. غير طبعاً إني بينت التناقض في كلامها انها بتقول معاها معلومات كل البنوك وتقدر تتحقق من شخصية الحامل للكارت وغيره ، وطبعاً وصلة تهزيق في اللي خلفوها عشان استفزها وتطلع اللي جواها ..كانت النتيجة انها بدل ماتقفل السكة قالت لي طب استنى شوية على الويتنج ..انتظرت ..قالت لي ممكن تكلم مديري وهو هيحاول يقنعك دانتوا عصابة بقى !!!
انا كنت في منتهى الثبات لأن الموضوع مش مهم برمته عندي حتى لو كانت شركة حقيقية ووسيط حقيقي للسفر لكندا وطبعاً قلت لها مش عاوز من أمه حاجة ويالا يابنت التيت وقفلت السكة..
الملخص:
- الإعلان اللي الوطن نشراه واضح انه مدفوع من الشركة دي ..
- صفحة الشركة على الفيس اتقفلت نتيجة شتيمة الناس ليها...
- الشركة نصابة فعلاً ودا مش كلامي دا كلام ناس عايشين برا وحذروا منها هنا:
http://goo.gl/gKgW0x
كمان الموقع واخد تصنيف إنه خطير بالنسبة لأمن المعلومات والثقة وإنهم نصابين هنا:
http://goo.gl/aatVeu
وهنا هتلاقي فضايح وان ناس اتسرقت منهم بعد ما أخدوا بيانات كارت الإئتمان بتاعتهم:
http://goo.gl/sHdheD
وهنا واحد بيحكي نفس اللي أنا قلته بالضبط بس الفارق إنه دفع 79 دولار
http://goo.gl/mY7IFT
النصيحة :
- أبداً أبداً تحت أي ظرف وتحت أي ضغط تعطي بيانات الدفع لأي حد حتى ولو موظف في البنك اللي انت بتتعامل معاه مش مجرد شركة هتساعدك في خدمة..
- الهجرة اجراءاتها تقدر تعملها بالكامل بنفسك ..وبالعكس دا هيعطيك ثقة انك لما تعيش برا هتقدر تتعامل مع أي اجراءات انت مش متعود عليها..
- قبل ما تاخد قرار للدفع على أي موقع لازم تبحث عنه كويس جداً ..جوجل يقدر يساعدك بسهولة في كدا.
- واضح ان النصابين قرأوا الوضع في مصر كويس جداً فهتلاقي مدخل للشباب والناس اللي كارهة العيشة في البلد عشان تنصب عليهم ...احذروا احذروا احذروا >
بتحب أنت الحاجات دي ياريس
المصدر :
طبعاً اغلبنا شاف الإعلان بتاع الهجرة لكندا في جريدة الوطن اللي على الرابط دا ، وصورته اللي تحت:
http://elwatannews.com/
وأنا واحد من اللي فتحوا الموقع بسرعة ومشيت في إجراءات التسجيل ، الموقع اللي جريدة الوطن بترشحه _ وفيما يبدوا إنه إعلان مدفوع مش مجرد خبر ، أو سطحية من المُحررة للخبر - فقد تبين لي التالي:
- سجلت على الموقع عادي عشان أشوف إيه الاجراءات المطلوبة والأوراق ، ولو في شهادات خبرة أو متطلبات ويبقى كسبت وقت لو بفكر إني أهاجر.
- الموقع طلب معلومات عادية زي الايميل ورقم الهاتف والاسم.- الخطوة التالية لاقيتها على طول خطوة الدفع بالفيزا لمبلغ 600 دولار طبعاً انا مادفعتش وقفلت الموقع لأنى في حاجة غلط.
- لاقيت اتصال الصبح من الرقم دا :
1-917-979-8838+
ماردتش لأنه صحاني من النوم مصدع وكمان كان ظاهر انه من أمريكا وقلت لعله حد من اللي قدمت وظايف قبل كدا وبيتصل بيا وصراحة هيفوقني لما اتكلم معاه في انترفيو وأنا في عرض 10 دقائق نوم من التعب ، فنفضت له وقلت أكيد هيعاود الاتصال.
- قبل العصر بنص ساعة لاقيت نفس الرقم بيتصل ، رديت وعرفت نفسها جيسكا تايلور - دي حاجة كدا زي ما تتصل عليك واحدة مصرية وتقولك اسمي ليلى علوي - قلت ماعلينا ..عاوزه ايه ؟
أنا بكلمك بخصوص الهجرة لكندا عرفنا عن نفسك مؤهلاتك وبتشتغل ايه وراتبك كام.. وعرفنا عن زوجتك وبتشتغل ايه .. بعد شوية لك في التفاصيل والخبرات ...طب عاوز تهاجر ليه وأنت عايش زي الفل وبرا بلدك كدا كدا ..رديت بقى بحوار الاحتكاك بخبرات عالية وكمان تعليم كويس لو انا عاوز أكمل تعليم عالي برا .. ردت انها متفهمة وكمان أنا عارفة ان في اضطهاد في مصر للمصريين والظروف صعبة وكمان في السعودية بنظام الكفالة مش بيعطوك احترامك كأجنبي ... أبشر يافندم انت هتكون مؤهل جداً لبرنامج الهجرة .. طب زوجتك بتشتغل على كدا في السعودية ..لأ ..تمام متفهمة دا عشان العنصرية ضد المرأة .. أنا مزبهل ... شوية خبط على الكمبيوتر قدامها ..مبروك يافندم أنت مؤهل للبرنامج وبسكور عالي !!
طبعاً معرفتي بالهجرة لكندا الإجراءات مش سهلة اوي كدا ، وطبعاً استفقت من الموضوع دا وانتبهت انها وكالة بتساعد في برامج الهجرة ..
استرسلت معايا في مميزات العيش هناك وهتلاقي نفسك عمدة تورونتو يافندم أول ماتوصل وكمان هيستقبلك رئيس الوزراء هناك ... خلصي يابنت اللكاكة هاتي الفولة ... المطلوب منك يافندم 1900 دولار شاملة امتحانات الـ IELTS لك وللمدام ..ماشي ..سيبيني بقى وانا هبقى افكر .. بمنتهى الغتاتة ولا كأنها سمعت حاجة .. اكتب ورايا يافندم رقم السجل بتاعك واسمي عشان يبقى مرجع ليك معانا بعد الدفع ..ماشي ..
هات بقى يافنم الفيزا كارد بتاعتك عشان نتأكد انها تنفع تدفع عندنا عشان في بنوك في السعودية بتقفش علينا ..قلت لها ازاي يعني مالكيش دعوة وقت الدفع انا هتصرف ..قالت لا لازم نتأكد انت خلاص بقيت عميل مهم عندنا واحنا اللي هنخلص كل حاجة ..قلت لها مين بيقول كدا انا مش معاق اني ادفع بأي طريقة من هنا لهنا ..قلت ماشي أنا هلاعبك .. في ماستركارد مصري يمشي معاكي (لأنه منتهي فمش فارق معايا ) ؟؟ قالت لا ..قلتلها دا HSBC ومعترف بيه يعني مش بنك أم الخلول !! دخلته وقالت طب تاريخه اديتها تاريخ صالح ..شوية وقالت اسفين يافندم مش شغال ..حاجة تانية إحيات أبوك ياشيخ..
هات أول 6 أرقام من اللي معاك .بس..اديتها الفيزا الصحيحة وطلعت اسم البنك صح والبلد اللي فيها .. قالتلي شفت أنا عفريتة ازاي وعندي اتصال ببنوك العالم وأقدر أجيب كل بياناتك من غير مجهود ودا يخليك تثق فينا أكتر..قلت في عقل بالي انت شايفني داقق عصافير مانا ممكن اجيبلك تاريخ حياتك نفسه .. طب يافندم هات بقى رقم الكارت بالكامل .. يابنت التيت ...ماشي طلعت كارتين تانيين واخدت اول 8 ارقام من هنا على اخر 8 ارقام من هنا ..قالت لي الرقم غلط ..قلت مابدهاش بقى ..اديتها رقم Dept بتاع البنك لأنه مش هتقدر تسحب منه إلا لما أنا أحول له فلوس ..قالت ممتاز هات بقى ال CSC (أو الـ CVV أو CSC ودا الرقم السري للكارت اللي بمثابة بصمتك ) طبعاً أنا انبهرت من الجرأة ...قلت لها أنت مجنونة ازاي اديكي الرقم السري بتاع الكارت ومعاك بيانات الكارت انت كدا بقى الكارت ملكك !!
شوية بقى تنويم مغناطيسي بكام ضحكة رقيعة وسهوكة حريم وانها تقدر تعمل دا من غير الرقم السري يافندم وانت لازم تثق فيا عشان انت عميل مهم لينا واحنا هنخدمك خدمة العمر ومش معقول تكون بالتفكير دا وانت عاوز تهاجر برا ..(يعني انت راكب جمل يافلاح وانا هنضفك) .. طبعاً وصلة تعليم على أمها في أصول أمن المعلومات الشخصية .. غير طبعاً إني بينت التناقض في كلامها انها بتقول معاها معلومات كل البنوك وتقدر تتحقق من شخصية الحامل للكارت وغيره ، وطبعاً وصلة تهزيق في اللي خلفوها عشان استفزها وتطلع اللي جواها ..كانت النتيجة انها بدل ماتقفل السكة قالت لي طب استنى شوية على الويتنج ..انتظرت ..قالت لي ممكن تكلم مديري وهو هيحاول يقنعك دانتوا عصابة بقى !!!
انا كنت في منتهى الثبات لأن الموضوع مش مهم برمته عندي حتى لو كانت شركة حقيقية ووسيط حقيقي للسفر لكندا وطبعاً قلت لها مش عاوز من أمه حاجة ويالا يابنت التيت وقفلت السكة..
الملخص:
- الإعلان اللي الوطن نشراه واضح انه مدفوع من الشركة دي ..
- صفحة الشركة على الفيس اتقفلت نتيجة شتيمة الناس ليها...
- الشركة نصابة فعلاً ودا مش كلامي دا كلام ناس عايشين برا وحذروا منها هنا:
http://goo.gl/gKgW0x
كمان الموقع واخد تصنيف إنه خطير بالنسبة لأمن المعلومات والثقة وإنهم نصابين هنا:
http://goo.gl/aatVeu
وهنا هتلاقي فضايح وان ناس اتسرقت منهم بعد ما أخدوا بيانات كارت الإئتمان بتاعتهم:
http://goo.gl/sHdheD
وهنا واحد بيحكي نفس اللي أنا قلته بالضبط بس الفارق إنه دفع 79 دولار
http://goo.gl/mY7IFT
النصيحة :
- أبداً أبداً تحت أي ظرف وتحت أي ضغط تعطي بيانات الدفع لأي حد حتى ولو موظف في البنك اللي انت بتتعامل معاه مش مجرد شركة هتساعدك في خدمة..
- الهجرة اجراءاتها تقدر تعملها بالكامل بنفسك ..وبالعكس دا هيعطيك ثقة انك لما تعيش برا هتقدر تتعامل مع أي اجراءات انت مش متعود عليها..
- قبل ما تاخد قرار للدفع على أي موقع لازم تبحث عنه كويس جداً ..جوجل يقدر يساعدك بسهولة في كدا.
- واضح ان النصابين قرأوا الوضع في مصر كويس جداً فهتلاقي مدخل للشباب والناس اللي كارهة العيشة في البلد عشان تنصب عليهم ...احذروا احذروا احذروا >
بتحب أنت الحاجات دي ياريس
المصدر :
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..