تجربتي مع ال IELTS
كنت محتاج على الأقل باند 7.5 اجمالي و باند 7 في كل جزء من أجزاء الأمتحان, دخلت أول مره وكانت مشكلتي ف ال writing , حضرت نفسي تاني ودخلت تاني مره بعدها بشهرين بس للأسف برضه كانت مشكلتي ف ال writing
, بناء على على نصيحة أحد الأصدقاء قدمت طلب اعادة تصحيح ال writing بس للأسف بعد شهرين بعتولي قالولي للأسف مش هنقدر نغير الباند بتاعك, ف قررت أدخل تالت مره من اسبوعين والحمد لله جبت أكتر من الباند المطلوب مني, دي بس مقدمه سريعه عشان الناس اللي بتفكر ان الامتحان صعب وهستيري ومحتاج تحضير شهور والكلام ده, من الأخر كل حاجه بالتحضير والمجهود ممكن تتحقق ومفيش حاجه صعبة.
ندخل ف الامتحان :
1 – listening
ده عباره عن ساعة بتسمع فيها محادثات مختلفة متدرجة الصعوبة ومش بتسمع المحادثات دي مرتين. أهم حاجتين ف الجزء ده:
- التركيز التام, بمعنى ان بكل بساطه لو سرحت ثانيه واحده او فكرت زياده عن اللزوم في سؤال هتلاقي ضاع بعد منه رزمة أسئله, التركيز التام ده مش هيجي غير بالتمرين على طريقة الامتحان يعنى يكون جزء من تحضيرك عبارة عن حل نماذج امتحانات وتقعد تحل كأنك في امتحان ومتحاولش تغش, وبعد ما تخلص تصلح لنفسك الامتحان وبعدين ترجع تعيد الأوديو بتاع الامتحان عن الأجزاء اللي غلطت فيها عشان تعرف غلطت فيها ليه .
- حاول تقرا الأسئلة كلها قبل ما تسمع , لانك ف أخر الامتحان ( الجزء الأصعب ) هتلاقي نفسك بتحاول تفهم ايه اللي بيتقال ف تكون محضر نفسك تلقط بس الكلمة اللي محتاجها لحل السؤال.
2 – Reading
ده ساعة برضه فيها 3 مقالات طويله بتقراها وتحل أسئله عليها وأنواع الأسئلة دي كتير وبرضه الأمتحان ده متدرج الصعوبة , فيه كذا طريقة للتعامل مع الامتحان ده , الطريقة الأشهر هي scanning and skimming يعني تقرا الأسئلة الأول وتعلم على المعلومات اللي محتاجها وبعدين تنقل على المقالات تمشى عينيك عليهم سريعا وتدور على الاجابات عن طريق keywords اللي علمت عليهم ف الأسئلة , الطريقة اللي أنا كنت بفضلها مختلفة شوية, وهي اني بقرا لأسئلة برضه سريعا واعلم على ال keywords وبعدين اقرا القطعه كلها واعلم على ال keywords بتاعة القطعة وبعدين لما بتعمل كده بتلاقى نفسك فاهم القطعة تمام وبتكون متأكد من اجاباتك , عيبها انها مستهلكة للوقت ويدوب بتخلص على أخر دقيقة .
التدريب على نماذج امتحانات برضه مهم جدا ف الجزء ده وبرضه تتمرن بنفس طريقة الامتحان, تحط timer قدامك وتلتزم بالوقت وبعدين تصلح لنفسك وتتعلم من غلطاتك .
3 - Writing
لو امتحان أكاديمي ف بيكون جزئين الجزء الأول عبارة عن رسم بياني أو خريطة أو ما شابه ومطلوب تكتب عنه مقال في ما لا يقل عن 150 كلمة , الجزء ده الى حد ما سهل , الجزء التاني بيطلب منك تكتب مقال عن موضوع معين في ما لا يقل عن 250 كلمة ... الموضوع يبدو سهل بس المشكلة انك لازم تلتزم بطريقة كتابة معينة وتحط دايما في بالك ازاى هو بيصلحو الجزء ده من الامتحان, لازم تستخدم أكبر قدر من القواعد والمرادفات ويكون ال flow مقالك سهل ومش متعب للقارئ وطبعا تحاول تقلل من الأخطاء بقدر الامكان ... اللي خلاني وقعت ف الامتحان مرتين بسبب الجزء ده اني مكنتش بتمرن خالص عليه وكنت ف الامتحان زي ما تقول كده بكتب بنات أفكاري , انما المرة التالتة التزمت بطريقة كتابة معينة واتمرنت عليها وكل جملة بتتكتب بحساب.
4 – Speaking
الامتحان ده غالبا بيبقى ف يوم منفصل عن باقى الامتحانات , عبارة عن انترفيو 3 أجزاء وبياخد توتال حوالي 12 دقيقة , الجزء الأول بيسألك فيه أسئلة عامة عن نفسه وشغلك وحياتك وكده, الجزء التاني بيديك ورقة فيها موضوع بتقراه وبتفكر فيه لمدة دقيقة وبعدين بيديك دقيقتين تتكلم فيهم براحتك من غير ما يقاطعك وبيقيمك وانت بتتكلم , الجزء التالت بيتناقش معاك مناقشة عميقة شوية بخصوص الموضوع اللي ف الجزء التاني .
اللي فات ده كله موجه بالأخص للناس اللي لسه هتدخل الامتحان أول مره ف أكيد كان ممل شويه لخبراء ال IELTS , ازاى بقى تحضر نفسك للامتحان ؟؟؟؟ بص ياسيدي
- لازم تعود نفسك تتكلم انجليزي طول الوقت , مع مراتك بقى مع حد ف الشغل مع اصحابك أى حد , ولو معاك حد أجنبي ف الشغل يبقى ممتاز, اقعد ارغي معاه كل شويه ف أى موضوع .
- ف البيت متشغلش قنوات عربي خالص , انا مثلا كنت ما بين CNN و BBC و National Geographic
- ف العربية تسمع علطول راديو انجليزي , يعني لو ف مصر عندك Nile FM , لو ف السعودية عندك Saudia Radio, ولومش عاجبينك نزل app اسمه tune in واختار أي اذاعه تحب تسمعها وانت بره.
- حاول تقرا مقالات وكتب وجرايد بالانجليزي, ومش بس قراءه سريعه انما حاول تتعلم منهم مفردات جديدة ومصطلحات وتعابير جديدة , لو في مصر عندك الاهرام باللغة الانجليزية ولو ف السعودية زيي عندك Arab News جريدة ممتازة.
- 3 مواقع لا غني عنهم :
www.ielts-simon.com
www.idebate.org
www.ted.com
- اكتب ielts speaking في يوتيوب هتلاقي فيديوهات كتير جدا , اتفرج عليها كلها .
- بالنسبة للكتب متشغلش بالك بالتدوير على كتب وماتيريال كتير , الحاجات اللي فوق دي أهم حاجه مع كتب cambrdige IELTS من 5 ل 10 بلاش قبل 5 عشان طريقتهم قديمة شوية .
- فيه شوية حاجات pdf بسيطة جدا فيها نماذج لحلول أسئلة writing هرفعم كملفات على الجروب باذن الله
دي النصائح اللي فاكرها دلوقت وهحدث البوست ده باستمرار ان شاء الله وكل ما هفتكر حاجة هزودها ف البوست باذن الله وأهم حاجه عندي ان اللي عاوز يعدي الامتحان ده يعرف ان مفيش حاجة صعبة , انما فيه حاجه مش بنحضرلها كويس .
المصدر : Mapping Quest
كنت محتاج على الأقل باند 7.5 اجمالي و باند 7 في كل جزء من أجزاء الأمتحان, دخلت أول مره وكانت مشكلتي ف ال writing , حضرت نفسي تاني ودخلت تاني مره بعدها بشهرين بس للأسف برضه كانت مشكلتي ف ال writing
, بناء على على نصيحة أحد الأصدقاء قدمت طلب اعادة تصحيح ال writing بس للأسف بعد شهرين بعتولي قالولي للأسف مش هنقدر نغير الباند بتاعك, ف قررت أدخل تالت مره من اسبوعين والحمد لله جبت أكتر من الباند المطلوب مني, دي بس مقدمه سريعه عشان الناس اللي بتفكر ان الامتحان صعب وهستيري ومحتاج تحضير شهور والكلام ده, من الأخر كل حاجه بالتحضير والمجهود ممكن تتحقق ومفيش حاجه صعبة.
ندخل ف الامتحان :
1 – listening
ده عباره عن ساعة بتسمع فيها محادثات مختلفة متدرجة الصعوبة ومش بتسمع المحادثات دي مرتين. أهم حاجتين ف الجزء ده:
- التركيز التام, بمعنى ان بكل بساطه لو سرحت ثانيه واحده او فكرت زياده عن اللزوم في سؤال هتلاقي ضاع بعد منه رزمة أسئله, التركيز التام ده مش هيجي غير بالتمرين على طريقة الامتحان يعنى يكون جزء من تحضيرك عبارة عن حل نماذج امتحانات وتقعد تحل كأنك في امتحان ومتحاولش تغش, وبعد ما تخلص تصلح لنفسك الامتحان وبعدين ترجع تعيد الأوديو بتاع الامتحان عن الأجزاء اللي غلطت فيها عشان تعرف غلطت فيها ليه .
- حاول تقرا الأسئلة كلها قبل ما تسمع , لانك ف أخر الامتحان ( الجزء الأصعب ) هتلاقي نفسك بتحاول تفهم ايه اللي بيتقال ف تكون محضر نفسك تلقط بس الكلمة اللي محتاجها لحل السؤال.
2 – Reading
ده ساعة برضه فيها 3 مقالات طويله بتقراها وتحل أسئله عليها وأنواع الأسئلة دي كتير وبرضه الأمتحان ده متدرج الصعوبة , فيه كذا طريقة للتعامل مع الامتحان ده , الطريقة الأشهر هي scanning and skimming يعني تقرا الأسئلة الأول وتعلم على المعلومات اللي محتاجها وبعدين تنقل على المقالات تمشى عينيك عليهم سريعا وتدور على الاجابات عن طريق keywords اللي علمت عليهم ف الأسئلة , الطريقة اللي أنا كنت بفضلها مختلفة شوية, وهي اني بقرا لأسئلة برضه سريعا واعلم على ال keywords وبعدين اقرا القطعه كلها واعلم على ال keywords بتاعة القطعة وبعدين لما بتعمل كده بتلاقى نفسك فاهم القطعة تمام وبتكون متأكد من اجاباتك , عيبها انها مستهلكة للوقت ويدوب بتخلص على أخر دقيقة .
التدريب على نماذج امتحانات برضه مهم جدا ف الجزء ده وبرضه تتمرن بنفس طريقة الامتحان, تحط timer قدامك وتلتزم بالوقت وبعدين تصلح لنفسك وتتعلم من غلطاتك .
3 - Writing
لو امتحان أكاديمي ف بيكون جزئين الجزء الأول عبارة عن رسم بياني أو خريطة أو ما شابه ومطلوب تكتب عنه مقال في ما لا يقل عن 150 كلمة , الجزء ده الى حد ما سهل , الجزء التاني بيطلب منك تكتب مقال عن موضوع معين في ما لا يقل عن 250 كلمة ... الموضوع يبدو سهل بس المشكلة انك لازم تلتزم بطريقة كتابة معينة وتحط دايما في بالك ازاى هو بيصلحو الجزء ده من الامتحان, لازم تستخدم أكبر قدر من القواعد والمرادفات ويكون ال flow مقالك سهل ومش متعب للقارئ وطبعا تحاول تقلل من الأخطاء بقدر الامكان ... اللي خلاني وقعت ف الامتحان مرتين بسبب الجزء ده اني مكنتش بتمرن خالص عليه وكنت ف الامتحان زي ما تقول كده بكتب بنات أفكاري , انما المرة التالتة التزمت بطريقة كتابة معينة واتمرنت عليها وكل جملة بتتكتب بحساب.
4 – Speaking
الامتحان ده غالبا بيبقى ف يوم منفصل عن باقى الامتحانات , عبارة عن انترفيو 3 أجزاء وبياخد توتال حوالي 12 دقيقة , الجزء الأول بيسألك فيه أسئلة عامة عن نفسه وشغلك وحياتك وكده, الجزء التاني بيديك ورقة فيها موضوع بتقراه وبتفكر فيه لمدة دقيقة وبعدين بيديك دقيقتين تتكلم فيهم براحتك من غير ما يقاطعك وبيقيمك وانت بتتكلم , الجزء التالت بيتناقش معاك مناقشة عميقة شوية بخصوص الموضوع اللي ف الجزء التاني .
اللي فات ده كله موجه بالأخص للناس اللي لسه هتدخل الامتحان أول مره ف أكيد كان ممل شويه لخبراء ال IELTS , ازاى بقى تحضر نفسك للامتحان ؟؟؟؟ بص ياسيدي
- لازم تعود نفسك تتكلم انجليزي طول الوقت , مع مراتك بقى مع حد ف الشغل مع اصحابك أى حد , ولو معاك حد أجنبي ف الشغل يبقى ممتاز, اقعد ارغي معاه كل شويه ف أى موضوع .
- ف البيت متشغلش قنوات عربي خالص , انا مثلا كنت ما بين CNN و BBC و National Geographic
- ف العربية تسمع علطول راديو انجليزي , يعني لو ف مصر عندك Nile FM , لو ف السعودية عندك Saudia Radio, ولومش عاجبينك نزل app اسمه tune in واختار أي اذاعه تحب تسمعها وانت بره.
- حاول تقرا مقالات وكتب وجرايد بالانجليزي, ومش بس قراءه سريعه انما حاول تتعلم منهم مفردات جديدة ومصطلحات وتعابير جديدة , لو في مصر عندك الاهرام باللغة الانجليزية ولو ف السعودية زيي عندك Arab News جريدة ممتازة.
- 3 مواقع لا غني عنهم :
www.ielts-simon.com
www.idebate.org
www.ted.com
- اكتب ielts speaking في يوتيوب هتلاقي فيديوهات كتير جدا , اتفرج عليها كلها .
- بالنسبة للكتب متشغلش بالك بالتدوير على كتب وماتيريال كتير , الحاجات اللي فوق دي أهم حاجه مع كتب cambrdige IELTS من 5 ل 10 بلاش قبل 5 عشان طريقتهم قديمة شوية .
- فيه شوية حاجات pdf بسيطة جدا فيها نماذج لحلول أسئلة writing هرفعم كملفات على الجروب باذن الله
دي النصائح اللي فاكرها دلوقت وهحدث البوست ده باستمرار ان شاء الله وكل ما هفتكر حاجة هزودها ف البوست باذن الله وأهم حاجه عندي ان اللي عاوز يعدي الامتحان ده يعرف ان مفيش حاجة صعبة , انما فيه حاجه مش بنحضرلها كويس .
المصدر : Mapping Quest
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..