كل ماتريد ان تعرفه عن التويفل في الجامعات المصرية

١-اسهل الاماكن عين شمس بورسعيد وبنها واسكندرية خلينا في عين شمس الامتحان يوم الحد والتلات من كل اسبوع وفيه فترتين الاولى الصبح من تسعة ونص ل اتناشر ونص والثانية من واحدة للاربعة ممكن المواعيد تتاخر نص ساعة او ساعة تروح ٩او واحدة من الاخر

المصاريف٢١٠جنيه والشهادة الواحدة ب 50 والاتنين ب٨٠ وممكن تدفع ٦٠جنيه لو انتا عايز الشهادة مستعجله بعد اسبوعووتعرف نتيجتك خلال ساعة
٢-الي من مصر عارف فين الجامعة انما الي من برة مصر انزل محطة مترو منشية الصدر وتركب الميكروباص الي رايح بوابة الجامعة قوله بوابة اداب (((اوعى تكون فاكر انك حتنزل في محطة مترو عين الشمس وحتطلع تلاقي باب الجامعة في وشك 👅👅👅👅👅 اناعملتها)))
٣-لازم حضرتك يكون معاك 
1-الكتاب 
(((Longman complete course of ....))))
Computer 
2-الاسطوانه دي audio عليها المحادثات الينك
https://m.facebook.com/permalink.php?story_fbid=886448724721882&id=230443080322453
وممكن تجيبهم من برة الجامعة وتريح دماغك

٤-الامتحان من 670درجة جزء الاستماع وجزء structure وجزء reading عليهم حوالي 600 درجة. وجزء الكتابه عليه بتاع 77درجة..... وعلشان تنجح يا تتح لازم تجيب فيه 500 بالنسبه للزمالة .. 
٥-الامتحان عبارة عن جزء استماع اربعين سؤال متوزعين على تلات اقسام القسم الاول محادثة صغيرة مابين اتنين لازم تتدرب عليها كويس ..في skills من ١-٢٠في اول الكتاب حيعلمك ازاي تفهم الناس دي بتقول ايه ادرب وهما موجودين في الاسطوانه في الفولدر الاخير عليها وفي جزء تاني عبارة عن محادثه طويله ليها skills برضه والجزء الاخير واحد بيكلم عن موضوع معين وفي الاخر بيسالك على الي قاله سؤالين

٦-بعد ما تخلص الاستماع حيقلك انتا عندك ١٠٠دقيقة حاول تقسمهم كالتالي
-الجزء الثاني اديله 40دقيقة عبارة عن structure
جزء اختيار من متعدد تختار الاجابه الاصح بتقيس قدرتك على الجرامرز و تركيب الجمل 
وجزء عبارة عن جمل كل جمله محطوط تحت اربع كلمات فيها خط واحدة فيهم مكتوبه غلط كاجرامر كسبيلنج كاللذي منه ...وانت بتختار الكلمة الغلط 
ودة تذاكرله منين .؟؟في كتاب جامد قوي انا عثرت عليه في الشبكة العنكبوتية .دة الينك
https://www.dropbox.com/s/gkj3jq8n3ttaw…/Full%20grammer.pdf… 
(لازم تنزل برنامج dropboxوتعمل حساب مجاني عليه علشان تنزل الكتاب ) واحد بقى يتناصح ويقولي الحساب المجاني دة بكام :-) :-) :-) :-) :-) ولو عايز تذاكر من كتب الثانوي براحتك

٥-الجزء الثالث اعمله 30دقيقة او اربعين دقيقه حسب ماتحب عبارة عن فقرات تقراها وتجاوب عليها ولازم تتدرب عليها كويس وتركز وانتا بتقرا السؤال كدة وتتودك واخد بالك لان اغلب الغلطات فيه انك بتقرا السؤال غلط......

٦-جزء الكتابه اديله تلات سعات لانه عليه77درجه بس واخد بالك ...انا بهزر اخرة تلت او ربع ساعة انتا اصلا مبدئيا كدة لو كتبت فيه شهادة جوازك حتاخدلك بالميت خمسيناية فاوعى تلبخ نفسك بيه اهم حاجه ركز كدة وانتا بتكتب متعدش تشخبط احفظلك كدة كم جملتين ربط وتنظيم للكلام ووممكن ماتحفظهمش وتاخدهم من فقرات الجزء التالت بتاع الreading واهم حاجة تراعي الجرامرز وانتا بتكتب والنقط والحروف الكابيتال والفواصل وتكتب اقل حاجة 15سطر 
بعد ماتخلص استنى برة ساعة حتتطلع النتيجه لو نجحت زقطط وهيص وهاتلك شكلاتايه ماندولين بايظة من اي كشك برة ولو مانجحتش حات صحابك ودغدغوا المكان ههههههههه اوعى حد يعملها انا بهزر 
وتوته توته خلصت الحدوته ووجع القلب الي كل شويه يلبخونا بيه دة ناقص يقولولك لازم تجيب شهادة معهد اومبابه لتحديد مقاساسات جلد الانابيب والحنفيات ..........
ربنا يوفقكم جميعا ......