شير وعرفوا اصحابكم اللي عاوز يسافر المانيا يشتغل بوظيفة محترمة يعمل اي ؟
جالي كتير ان موضوع السفر لألمانيا سواء شغل او دراسة صعب جداً و بالذات لو شغل و ان الدنيا هناك متقفلة قفلة سودة يعني للمصريين ؟
الكلام ده مش صح .. اكثر دولة متوفر فيها فرص عمل كتير للمهاجرين من الخارج في الاتحاد الاوروبي هي دولة ألمانيا... و و بالرغم من ده فهي محتاجة عمالة ماهرة جداً و متخصصة في كل المجالات اللي ممكن تتخيلوها ، و خصوصاً ان 25 سنة الجايين سوق العمل ده هيفقد 10 مليون شخص ، و ده اللي خلي دولة ألمانية تعمل حملة اسمها make it in Germany الحملة دي كانت من 2013 عشان الناس الاقوية في مجالاتهم
و اطلقت نظام جديد اسمه البطاقة الزرقاء Blue Card و دي حاجة كدة زي الجرين كارد الأمريكاني .. عشان تجيب المهندسين عندها و المبرمجين و المميزيين في مجالاتهم و برواتب كبيرة و عقود عالية جداً .
مزاياها انك بتاخد اقامة مفتوحة بعد مضي 3 سنين من شغلك،ولو متجوز تجيب مراتك،ولها الحق في فرصة عمل حتي لو مش بتعرف تتكلم ألماني.و ممكن تكسر الاقامة وترجع بلدك سنة ونصف بدون ما تسقط عنك،ترجع وتشتغل تاني،وبعد 3 سنين من شغلك،ممكن تشتغل في اي بلد أوروبي تاني،لأنك ممكن تطلع هناك برضه البطاقة الزرقاء..
الويب سايت ده بتاع make it in Germany عليه كل المعلومات عن وضع سوق العمل،والفرص ،والمعاهد اللي بتقدم تدريب،وخطوات واجراءات السفر..كل شئ ممكن تتخيله من الألف للياء ..
الموقع ده بتاع الحملة اللي قولت عليها و هي make it Germany و ده عليه كل المعلومات عن وضع السوق الألماني و فرص العمل و المعاهد اللي بتقدم تدريب و خطوات و إجراءات السفر .. كل شئ ممكن تتخيله من الأبرة للصاروخ زي ما بيقولوا . http://www.make-it-in-germany.com/en/
-و دي مواقع تانية زيه كدة بالتفصيل علي كل فرصة عمل موجودة و الوظايف لكل التخصصات و كل الناس زي المهندسين و المبرمجين و الممرضين و مهن تانية كتير مطلوبة هناك . http://www.praktikum.de/german/ http://www.stepstone.de/ http://www.monster.de/ http://www.yourfirm.de/ http://www.stellenanzeigen.de/ http://karriere.unicum.de/
-ده مثال عن جانب بسيط من فرص العمل المتاحة للمهندسين .. http://bit.ly/2eexHgJ
-وده لبتوع ال IT http://bit.ly/2dCJPWM
و في شوية ملاحيظ كدة مهمة لازم اققولهالكوا :
1-البطاقة الزرقاء مش بس للباحثين عن فرصة عمل داخل ألمانيا من الخارج.لأ حتي لو انت بتدرس هناك،ممكن تخلص وتقدم عليها وهتاخدها بسهولة وتلاقي شغل بعد التخرج،لأنهم مش بيحبوا يسيبوا الناس بعد ما اتعلموا عندهم يشتغلوا في دولة تانية.وعشان كده 30% من اللي خدوا البطاقة الزرقاء بتاعة الاقامة الكاملة في ألمانيا سنة 2013 من الطلبة..يعني لو بتدرس هناك وخلصت هتلاقي شغل وبمرتب مجزي طبعًا..
2-لو انت مخلص ومعاك بكالريوس ،خش علي الموقع ده عشان تعرف ازاي تعادل شهادتك للألمانية http://bit.ly/2dJI0a4
3-كل المعلومات عن الفيزا،وشروطها،واستقدام الزوجة وخلافه،هتلاقيه علي موقع السفارة الألمانية.. http://bit.ly/2dCKEPr
4-لو انت طبيب بشري أو لسه بتدرس في الجامعة كلية طب،اعرف أن الباب هناك لسه مفتوح بشكل كبير..أكثر من أي وظيفة تانية.الجروب ده أفضل مكان تعرف منه كل الخطوات من الألف للياء،من أول التخرج لغاية ما توصل مطار برلين عشان تشتغل،ملتقي رائع لتبادل الخبرات والنصائح قائم عليه أطباء مصريين في ألمانيا http://bit.ly/2e2UbCm
5-ودي مدونة تانية مفيدة للأطباء الباحثين عن فرصة عمل في ألمانيا مدونة فراس.. http://drferas.com/
6-للممرضين والممرضات موقع أرامكو هيساعدك في معرفة فرص العمل المتاحة،والكورسات المطلوبة http://bit.ly/2dVVrY3
دي حالة السوق وفرص العمل ..طيب أنت محتاج ايه عشان توصل هناك؟
1- تكون شاطر في دراستك طبعًا..لأن المجتمع هناك مفتوح وهيتقتح أكتر بس فقط للمميزين،مش اللي بيدوروا علي فرصة للهجرة وخلاص..
2- تعرف لغة ألمانية ودي مش صعبة و محتاجة منك من سنة الي سنة ونصف لو انت مهتم وبتبذل جهد كبير عشان تاخد شهادة B2 من جوته اللي هتفتح الدنيا أمامك ..
3-تبطل تسمع كلام الناس اللي بيحبوطك و كدة توكل علي الله و انت مش بتعمل حاجة غلط لا ليك و لا لاي حد حواليك و لا لبلد
ملحوظة هامة جداً انا كاتب البوست ده عشان يكون عندك معلومة لانسب طريقة للسفر لألمانيا مش انك تهاجر و تسيب البلد و خلاص و ربنا يوفقكم جميعاً
وفقا لجروب المهاجرين ع الفيسبوك
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..