تعالو الامارات يا جماعه في شغل - البحث والسفر والتكاليف

النهارده انشاء الله هكلمكم عن تجرتي في السفر الي الامارات سياحه والتدوير علي شغل انا سافرت الامارات وانا مكنتش اعرف اي حاجه عن البلد ولا ليا حد هناك بس كنت مؤمن ان ربنا مش بيضيع تعب

حد والحمد الدنيا مشيت الي حد كبير اولا سيبك من الناس المحبطه الي هيا مش بتعمل حاجه في حياتها غير انها تحبط البشر وصدقني اتعب هتلاقي وسيبك من الي يقولك من ان البلد مفيهاش شغل لا البلد فيها شغل واي مكان في العالم في شغل بس بتفرق من شخص لشخص وفي الاول هوا توفيق من ربنا ونصيب بس اهم حاجه تعمل الي عليك وتسيبها علي الله صدقني هتظبط انا هحاول علي قد ما اقدر اركز علي النقط الاساسيه اولا مرحله 

الفيزا :
عندنا فيزا سياحه شهر و3 شهور انا لما جيت السنه الي فاتت كنت جاي فيزا شهور سياحه ب40000 جنيه دلوقتي معرفش بكام لان مفيش حاجه في مصر سعرها ثابت بس حاول ماتجيش شهر خليها 3 شهور عشان بس تدي نفسك فرصهانك تفهم البلد وانشاء الله تلاقي شغل ولو تعرف حد في الامارات خلي يجيبهالك من هنا هتبقي ارخص

نيجي للسكن :
 حاول علي قد ماتقدر تظبط سكن قبل ماتيجي من علي النت في جروبات كتير جدا فيها سكن وشوف ارخص حاجه فس سكن ب 650 درهم للسرير اكيد ممش فندق انتا بس عايزم مكان تنام فيه علي قد ماتقدر شوف حاجه رخيصه لحد ماتظبط نفسك وانشاء الله ربنا هيكرمك انا اسف جدا بس لازم اقول كدا علي قد ماتقدر ابعد عن المصريين في السكن انا مدايق وانا بقولك كدا بس للاسف دي الحقيقه مفيش اي خصوصيه ابدا وهيستخدمو حاجتك وهياكلو اكلك وحاجه صعبه جدا الا من رحم ربي

نيجي للشغل :

طبعا لو لينا حد هنا في الامارات يقدر يجيبلنا خط موبايل قبل مانيجي عشان نكتبو في السي في يبقا عمل معاك الصح لانو هيوفر عليك جدا وهيخليك تطبع السي في في مصر لان الطباعه هنا مش رخيصه حاول تعمل السي في بشكل محترف يكون شكلو جذاب وبالنسبه للبحث عن عمل في مواقع كتير اوي زي ( مورجان - دوبيزل - indeed - وفي شغلانتي وطبعا ومتنساش ان في مواقع وصفحات كتير جدا علي الفيس وعي تنساها دايما بتنزل وظائف اهم نقطه في الشغل اوعي ترفض وتقول لا دي مش مستوايا صدقني هتندم لو لا قيت حاجه مناسبه اقبل بيها عشان بس تثبت رجلك في البلد وسيبها بعد سنه اوعي تتعوج او تتنطط علي شغل صدقني هتندم ولا تقول ده راتب ضعيف او الكلام ده محدش هنا بيشتغل حاجه هوا عايزها او مجاله قليل كلو كدا علي باب الله انا اعرف ناس جت زياره 3 شهور وجالها شغل ب 4000 درهم قالي لا مدام جالي حاجه كدا يبقي هلاقي احلي واعلي والله رجع مصر ولا طال 4000 درهم ولا حتي 1000 درهم

نصائح عامه ....

1- وانتا جاي هات معاك بدله وكام قميص وحذاء كلاسيك
2- حاول تطبخ في البيت بلاش تجيب اكل من بره عشان تقدر توفر
3- خليك متفائل خليك متفائل خليك متفائل
4- الي يقولك متجيش والخليج بيصفي والناس بتروح قلو اكيد احسن من مصر ومحدش بياخد رزق حد
5- ابعد عن الفليبينيات وعن السكه دي صدقني اخرتها مش لطيفه ابدا وبعدين مش حلوين بصراحه
6-  وانتا جاي من مصر هات معاك دواء للبرد ومضاد حيوي والحاجا بتاعت الاسعافات الاوليه هتنفعك جدا الدوا هنا غالي جدا
7- تفائل وصلي استخاره قبل ماتيجي وانشاء الله ربنا هيوفقك وهتلاقي شغل
88- و دي اهم نصيحه الانجليزي الانجليزي الانجليزي الانجليزي لحد بكره الصبح هوا اهم حاجه هنا الناس هنا مش بتتكلم عربي والله لغه الشارع هيا الانجليزي اهم حاجه في الشغل هوا الانجليزي صدقني من غيرو هتتبهدل لان هتحس انك غريب
99- اخر نصيحه متقعدش في مصر ايا كانت الظروف سافر سافر سافر سافر سافر خدو كوبري لبلد انتا بتحلم بيها لان صدقني اي حاجه او خطه في مصر فا هيا محكوم عليها بالفشل من قبل ماتبدا متقعدش تعيط وانتا في مكانك عشان مفيش حاجه هتتغير

اخيرا يا جماعه اعذروني لو قصرت في حاجه او نسيت حاجه ياريت تسامحوني وياريت بلاش يكون في اي تعليقات محبطه مش عشاني والله بس عشان الناس مش ناقصه اي حد عنده معلومه زياده يضيفها يفيد بيها الناس يبقي جزاه الله خير وربنا يوفقنا جميعا انشاء الله ونا تحت امركو اي وقت في اي استفسار

شكرا ....

المصدر : 

Beto Alaa