بالصور ازي تحجز ارخص اماكن للاقامة قبل ما تسافر لاي بلد ..!!

ازاي تبقى صايع حجز #فنادق لاقامتك في اي #مدينه في اي #بلد و تجيب ارخص #سعر ؟؟! 😎

في مواقع كتير بتقارن بين اسعار الفنادق و
تجيبلك ارخص سعر فيهم بس اهمهم و اشهرهم هو
Www.booking.com
و لو انت من اصحاب السفر الرخيص هتحتاج كمان مواقع
Www.hostelworld.com
Www.airbnb.com
هانشرح ازاي نلاقي ارخص و احسن فندق من موقع بوكينج
1- هانفتح الموقع و هنلاقيه في عربي و انجليزي و يبحث ب #الجنيه و #الدولار و #اليورو و غيرهم (صوره 1)
2- هانحدد المدينه و تاريخ الوصول و تاريخ المغادره "انا اخترت اسطنبول و ليله واحده من يوم 25 ابريل ليوم 26 ابريل" (صوره 2)
3- هاندوس علي البحث و هايفتح لنا صفحه جديده فيها الفنادق و اسعارها و تقييم كل فندق (صوره 3)
4- هانضغط علي كلمة ترتيب عشان نختار يظهرلنا النتايج حسب ايه و هنختار "الاقل سعرا لفرد او لفردين" (صوره 4)
5- هنضغط علي "تصفيه او filter" عشان نحدد احنا عاوزين #فندق ولا #هوستل و كام نجمه و في تدخين ولا لأ و غيرهم (صوره 5)
هايظهر لنا النتايج و بندأ نتفرج علي الاسعار و التقييمات و هل في عروض ولا لأ و هل يشمل فطار ولا لأ و نختار 3 او 4 فنادق تقييمهم اعلي من 7.5 و نخلي بالنا من عدد للناس اللي عاملين #تقييم لانه ممكن يكون تقييمه 9 بس 5 اللي عاملين تقييم اللي هما اصحاب الفندق 😂

لحد كده كويس جدا و ممكن احجز اللي عاجبني من بوكينج بس لو عاوز توفر اكتر و اكتر و تبقي صايع 😂 تاخد اسم الفندق او الهوستل و تدخل علي موقعه هو و تبعتلهم ايميل انك عاوز تحجز من يوم كذا ليوم كذا و مش حابب تحجز من علي بوكينج عشان توفر العموله اللي بياخدها.. هايردوا عليك و هايدولك فعلا سعر اقل 

الموضوع من اعداد :: 
Mohamed Raafat‎