اشهر #اماكن_السحور في #رمضان

اشهر اماكن السحور في مصر

•  الاماكن الشعببية

اذا كنت بتحبي الاجواء الشعبية والزحمة ووسط البلد اختاري الفسحة والسحور في منطقة السيدة زينب او في الحسين وشارع المعز،

 وحتلاقي السحور الشعبي من مطاعم الفول او من عربيات الفول الشعبية والقهاوي البلدي، واجواء رمضان جنب المساجد الاثرية والمباني الجميلة

• الاماكن الترفيهية

لو بتحبي الاماكن الترفيهية الواسعة والحدائق واجواء رمضان في الخيام الرمضانية ببرامجه الترفيهية المتميزة، يبقى اختاري الخيم الرمضانية الموجودة في الازهر بارك واللي بتتميز بالاسعار المتوسطة والمكان الترفيهي الواسع وبتتميز السهرات دي بأنك تقدري تتكلمي فيها مع افراد عائلتك وتتفرجوا على البنود الترفيهية من اغاني قديمة

• الخيم الرمضانية

وجديدة فممكن تختاري الخيم الرمضانية الموجودة على طول كورنيش النيل زي الخيمة على كورنيش الجيزة وفي المراكب النيلية زي ع النيل وتفاحة، وفي كمان الخيم المشهورة اللي متواجدة في اماكن مختلفة زي رمضانا ويشمك وسيكويا، واخيرا الخيم الموجودة في الفنادق الشهيرة زي خيمة مشمشية او لو كابيتول مثلا والخيم الرمضانية بتتميز بتنوع الاسعار وبأنها بتقدم خدمة البنود الترفيهية مع السحور والمشروبات الرمضانية زلز عايزة تتعرفي على الخيم دي اكتر شوفي اللينك ده واتعرفي على اشهر الخيم للسحور في رمضان

• اماكن السحور فقط

ولو كنت بتختاري مطعم بيقدم سحور مميز وحتكملي السهرة في مكان تاني يبقى اختاري واحد من مطاعم الفول المشهورة ودي متوفرة في اماكن كتيرة في القاهرة واشهرها جاد، التابعي الدمياطي، فول وطعمية، وغيرها من اماكن الفول الشهيرة اللي بيكون فيها صالة طعام بتقدم السحور المعتاد الفول والبطاطس المهروسة واطباق البيض المختلفة

وبالنسبة للمدن الجديدة فالخيم الرمضانية متواجدة بكثرة في المولات والمراكز التجارية وتقدري تختاري منها الخيمة اللي تناسب من ناحية البرنامج والاسعار، وكمان تقدري تختاري مطاعم بتقدم وجبات السحور المميزة زي محلات الفول اوالمطاعم اللي بتقدم منيو خاصة للسحور

شاركنا باي صور او اقترح اي مكان في التعليقات