احلى اماكن الفطار والسحور في اسكندرية

1- مطعم روستري:

مطعم روستري من اكتر المطاعم المميزة في اسكندرية واسعاره معقولة اوي وبيقدم منيو منوع جدا من كل المطابخ العالمية يعني هتلاقوا فيه كل حاجة.

ليه فرعين الاول : في رشدي –  شارع عبد القادر رجب متفرع من طريق الحرية.

التليفون : 03- 5428262 , 03 –  5428292.

الفرع التاني : محطة الرمل – 48 شارع فؤاد امام صيدلية الحي اللاتيني.

التليفون : 03 – 4834364 , 03 – 4834363.

مطعم روستري

2- قرية بلبع:

مطعم بلبع بيقدم اكل شرقي ومشاوي ومحاشي بقى وحاجات من الحلوة اللي كلنا بنحبها, وكمان لمحبين الاسماك المطعم بيقدم اطباق وطواجن اسماك.

ليه فرعين الاول : سيدي بشر- 154 شارع ملك حفني بجوار محطة قطار سيدي بشر.

التليفون : 03 – 5546675 , 03- 5503500 , 03 – 5497555.

الفرع التاني : 6 كم طريق اسكندرية القاهرة الصحراوي, داخل داون تاون مول – الدور الارضي.

التليفون : 03 – 3820150 , 03 – 3820140 , 03 – 3820130 , الخط الساخن 16941.

قرية بلبع

3- مطعم ابن البلد:

مطعم ابن البلد بيقدم اكل شرقي ومشويات والميزة فيه انه بيقدم اكل بيتي والمنيو بتاعه منوع اوي وهتلاقوا فيه كل الاكلات اللي بتحبوها.

ليه تلات فروع الاول : مطصفى كامل – عمارات ظباط مصطفى كامل اعلى مسرح السلام.

التليفون : 01228555909 , 03 – 5411169 , 03 – 5411404 , الخط الساخن 16860.

الفرع التاني : 6 كم طريق اسكندرية القاهرة الصحراوي , داخل ميراج ميني مول – الدورالتاني.

التليفون : 03 – 3834550.

الفرع التالت : كارفور – سيتي سنتر طريق اسكندرية القاهرة الصحراوي.

مطعم ابن البلد

4- مطعم سبكترا:

سبكترا بيقدم اطباق من المطبخ الايطالي والمكسيكي بالاضافة للاطباق الشرقية يعني بيجمع ما بين الاطباق الشرقية والغربية, والمطعم بيتميز انه مخصص منطقة لغير المدخنين.

ليه فرعين الاول : داخل حدائق المنتزة.

التليفون : خط ساخن 19491.

الفرع التاني : داون تاون مول – طريق اسكندرية القاهرة الصحراوي.

التليفون : 01116120372 , 03 – 3811866 , الخط الساخن 19491.

مطعم سبكترا

5- مطعم باكيتس:

للي بيحبوا التغيير والاطباق الغربية المميزة مطعم باكيتس هيبقى افضل اختيار ليهم, المطعم متخصص في تقديم اطباق امريكي , واطباق الستيك.

العنوان : محطة الرمل – 1ب شارع ابراهيم عبد السيد, باطلسه, الحي اللاتيني.

التليفون : 01200212323 , 03 – 3922202.

مطعم باكيتس

6- قرية عبد الوهاب:

عبد الوهاب بيقدم اكلات شرقية ومشاوي واسماك.

ليه فرعين الاول : سيدي بشر – 53 شارع جميلة بو حريد, السيوف.

التليفون : 03 – 5022200 , 03 – 5032856.

الفرع التاني : 8 كم طريق اسكندرية القاهرة الصحراوي , بجوار الحديقة الدولية.

قرية عبد الوهاب

7- مطعم ابو شقرة:

مطعم بيقدم اطباق شرقي, ومشاوي, وسي فود, كمان بيتميز انه مخصص مكان لغير المدخنين, وركن للاطفال.

العنوان : لوران – 425 شارع الجيش, متفرع من شارع شعراوي.

التليفون : 03 – 5848700 , 03 – 5848100.

مطعم ابو شقرة

8- مطعم ليلي من لبنان:

من المطاعم المميزة جدا لو عايزين تاكلوا اكل لبناني على اصله من غير ما تسافروا لبنان يبقى لازم تزوروا مطعم ليلى متخصص في المطبخ اللبناني , والاطباق الشرقية, والمطعم فيه منطقة خارجية للاكل في وسط الجناين والخضرا.

العنوان : رشدي – 9 شارع كفر عبده.

التليفون: 01025553985.

مطعم ليلى من لبنان

9- مطعم ابو السيد:

ابو السيد من المطاعم المتخصصة في تقديم الاكل المصري البيتي.

العنوان : 39 شارع الحرية.

التليفون : 03 – 3929609.

مطعم ابو السيد

10- مطعم وسط البلد:

بيقدم منيو منوع للاكلات الشرقية والغربية وبيكون عامل منيو باطباق خاصة لرمضان, والمكان في شاشات عشان تقدروا تتابعوا البرامج اللي بتحبوها.

العنوان : 13 شارع سيزوستريس – محطة الرمل.

التليفون : 01228227447 – 01280250010.

مطعم وسط البلد

11- مطعم زفير:

اكيد مينفعش تيجوا اسكندرية من غير ما تروحوا زفير وتاكلوا اكلة سمك معتبرة المطعم ده متخصص اسماك وسي فود بس عنده منيو منوعة جدا للاسماك وبيعمل اطباقه بطرق حلوة ومختلفة, ده غير طبعا الفيو التحفة على البحر.

ليه فرعين الاول :ستانلي – فندق ميدترينيان ازوور, طريق الكورنيش.

التليفون : 03 – 5226539 , 03 – 5428693.

الفرع التاني: 29 كورنيش المكس , قسم الدخيلة.

التليفون : 03 – 4403250.

مطعم زفير

12- مطعم تياترو اسكندرية:

اللي عايز يعيش جو مصري اصيل واجواء وديكورات بترجعنا للزمن الجميل يبقى لازم يرح مطعم تياترو اسكندرية لانه غير انه مطعم بيقدم الاكلات المصرية الاصيلة, كمان في انشطة ثقافية كتير بتتعمل فيه زي الندوات الثقافية , والبرامج الفنية واستاند اب كوميدي , واسكتشات موسيقية, حتى الديكورات بتاعته مصرية جدا ومعمولة بالارابسيك يعني هتقعدوا في جو مصري ممتع وجميل جدا, فيه مكان مخصص لغير المدخنين.

العنوان : 25 شارع فؤاد – محطة الرمل.

التليفون : 03 – 3901339.

مطعم تياترو اسكندرية

13- مطعم سانتا لوتشيا:

المطعم ده من المطاعم المميزة جدا اللي هياخدكم لاجواء الخمسينات بديكوراته وجوه المريح جدا, هتاكلي في اجواء موسيقية بعزف على البيانو اللي هيعيشك في مود تاني خالص.

العنوان : 40 شارع صفية زغلول – محطة الرمل.

التليفون: 03 – 34860332.

مطعم سانتا لوتشيا

14- النادي اليوناني:

المطعم اليوناني قعدته تحفة جدا على منظر يجنن على البحر هتبقي قعدة شايفة قدامك البحر والمراكب وقلعة قايتباي, وبيقدم السمك طبعا بجانب الاكلات من مختلف المطابخ العالمية.

العنوان : شارع قايتباي – الانفوشي.

التليفون: 03 – 4837264.

كل الاماكن اللي احنا قولناها دي بتقدم فطار وسحور.

النادي اليوناني

 – اماكن سحور شعبية:

1- مطعم محمد احمد:

محمد احمد من مطاعم الفول والطعمية المشهورة جدا في اسكندرية بيقدم اطباق فول وفلافل وساندوتشات.

العنوان : 17 شارع شكور, متفرع من شارع سعد – محطة الرمل.

التليفون: 03 – 4873576 , 03 – 4857701.

مطعم محمد احمد

2- مطعم طاسة:

كل اطباق المطعم داخل فيها جبنة بيقدم طاسات جبنة سجق وبسطرمة وسوسيس وفراخ وشيش طاووق ولحوم مشكلة وسي فود وغيرها اطباق كتير كلها معمولة بالجبنة, بالاضافة طبعا للفول والبيض.

ليه فرعين الاول : 7 شارع الطيار محمود شاكر عبد المنعم – سموحة.

التليفون: 01010259103 , 01227810296.

الفرع التاني: بجوار كارفور الملتقى, عثمان احمد عثمان, قسم سيدي جابر.

التليفون : 01010259103.

مطعم طاسة

3- مطعم ابو عوض:

عنده ساندوتشات فول وفلافل, وشاورما, وبيض , واسماك , وبيقدم كمان كشري , ومكرونات, ومشويات.

العنوان: شارع الكازينو , مبنى الاوقاف – سان ستيفانو.

التليفون : 03 – 3584528.

مطعم ابو عوض

4- مطعم البان سويسرا:

بردوا المطعم ده من المطاعم المعروفة اللي بتقدم كل اطباقها بالجبنة.

العنوان : 82 شارع بورسعيد, كامب شيزار – الابراهيمية.

التليفون: 03 – 5913369.