اختصار دي اجراءات السفر لالمانيا السفر للشغل مش للدراسة

الاول كده تعرف جامعتك معترف بيها ولا لا...ده تقدر تعرفه من على موقع anabin.kmk.org

تعديل...
لو الجامعة مش موجودة ع anabin انا ماعرفش ايه الموقف بالتحديد...انا جامعتي كانت موجودة

السفارة والجهة الالمانية اللي بيطلع منها تصريح مزاولة المهنة هما اللي بيحددوا...
بس برده السفارة اول حاجة بتطلبها ورقة من anabin مكتوب فيها ان الجامعة anerkannt
 احسن حل تبعت ايميل لقسم التاشيرات ف السفارة وتسئلهم ايه الموقف

لو معترف بيها...
يكون معاك  B2

بعد ماتخلص اللغة تبدا تدور ع تدريب ف صيدلية او ف مستشفى ف المانيا...كل ولاية ليها موقع لنقابة الصيادلة او ال Apothekerkammer...الموقع بيبقا عليه وظايف ومنها التدريب العملي او Pharmazeut im Praktikum (PhiP)

تكون ف الوقت ده حاجز معاد مقابلة في السفارة

هتبعت ايه للاعلانات؟
كل حاجة تخص مهنتك كصيدلي ف مصر
تخرج ، بيان درجات، شهادات خبرة، ترخيص مزاولة مهنة
كل ده طبعا عربي ومترجم وموثق من السفارة او انجليزي وموثق
بالاضافة لCV الماني...وده سهل مش محتاج حاجة وموجود ع جوجل...اي حد بيعرف الماني يقدر يكتبه
كل الورق ده طبعا يتعمل Soft copyy ويتبعت بالميل

صيدلية هترد عليك بالموافقة...تدخل مقابلة السفارة ع تاشيرة تدريب...وتخلي الصيدلية يبعتولك عقد التدريب..لانه مطلوب ف السفارة...والورق المطلوب تقدر تعرفه من موقع السفارة

هيطلب منك حجز سكن ....ممكن تحجز سكن من
 wg-gesucht.de

لما تدخل مقابلة السفارة...هياخدو منك صور الورق...تبعت الاصل لمكتب الصحة بتاع الولاية اللي انت رايحها عشان يعملولك التصريح
 والورق المطلوب بيبقا موجود ع الموقع بتاعهم.

رد السفارة بياخد حوالي 3 شهور...في الفترة دي مكتب العمل بيخاطب مكتب الصحة عشان يديله اثبات انك بتعمل تصريح...عشان كده لازم يبقا ورقك هناك...

بعد كده بيوافقو والسفارة بتديك التاشيرة وتقدر تيجي

طب لو مالقيتش صيدلية....يبقا تروح تاشيرة بحث عن عمل وتدور ف البلد اللي هتروحها...

بعد ماتيجي...مطلوب منك امتحان اللغة المتخصصةFachsprache او اللي هي C1 Pharmzie....وامتحان الApprobation اللي هي الرخصة...وده بيبقا ف قوانين صيدلة..وفي مزاولة المهنة....وليهم كتب وكورسات معينة...ما تنجح في الاتنين يبقا خدت الرخصة...وتقدر تشتغل صيدلي...

د محمد يونس صيدلى بالمانيا