موقع "the base trip" يديك تفاصيل كاملة عن البلد الى هتزورها وتسافر لها

ويب سايت ميقلش ابدا اهميه ولا قيمه عن "budget your trip" اللى كل الناس حبته فى البوست اللى فات :D هو موقع "the base trip" حاولت انى اعمل

 ايديت للبوست اللى فات واضيف الكلام ده ليه لكن مش هينفع يترفع صور فعملته فى بوست منفصل خاص بيه وبصراحه هو يستاهل بوست لوحده اصلا :D لان هو موقع الكل حاجه :D
ده اللينك : thebasetrip.com/en
الموقع ده عباره عن ان حضرتك هتدخل عليه وهتكتب اسم البلد اللى انت هتخرج منها واسم البلد اللى انت هتسافرلها ..
وهيعمل ايه بقى ؟!
هيديك كل التفاصيل المفصله عن البلد دى ومش بس كده ده كمان هيقارنلك بين البلدين اللى هتخرج منهم واللى هتروحلها ! ازاااى ؟!
مثال :
هنفترض مثلا حضرتك هتسافر من "القاهره" لـ "روما" هتلاقى الاتى :
- هيقولك نبذه عن "روما" والعمله المتاحه فيها والتوقيت ومساحتها وعدد السكان والجو ودرجه الحراره
- هيقولك ان روما محتاجه فيزا والفيزا هتاخدها من السفاره الايطاليه بالقاهره وهيديلك لينك السفاره الايطاليه بالقاهره (حاجه ببلاش كده من غير ما تتعب نفسك وتدور على الموقع)
- ركز بقى فى الجاى ده عشان هو المهم, هيديلك الـ "cost of living" وده شوفناه تفصيليا فى "budget your trip" بس هنا هيزود حاجه جديده ودى ممكن هتفرق شويه مع الناس اللى خارجه للهجره او الاقامه, وانه هيقولك الـ Average salary للفرد فى الدولة دى قد ايه ؟! وبعد كده هيقولك مثلا اسعار السلع هناك كام ! الميه اللبن الجبنه الفراخ الطماطم البصل اللبس البنطلون الجينز وهيقارنلك بين مثلا اللبس فى البلد دى وبين بلدك وهيقولك انه فى البلد دى اغلى ولا ارخص بمقدار كام فى الميه ! :D
- هيديلك بقى الحاجات البسيطه الصغيره اللى ممكن تتوه علينا لكن هتعملنا مشكله لما نسافر, تخيل مثلا انت خارج من مصر اللى هى بتستخدم فيشه الكهرباء الثنائيه اللى باتنين سن وهتروح بلد تانيه فيشه الكهرباء بتبقى ثلاثيه بتلت سنون ! للاسف هتقعد فتره عشان تعرف تشترى مشترك كهرباء عشان تشحن موبايلك او لابتوبك اللى هيفصل منك! :\
وكمان هيقولك بعض القوانين المهمه اللى مثلا السواقه متبقاش للى اقل من 25 سنه ! واحيانا يديلك نصايح ان السواقه خطره فى البلد دى ومينصحش انك تأجر سياره وتسوق فيها :\
لدرجه انه هيقول اخواتنا السبرسجيه :D بان اذا كان البلد دى بتسمح بالحشيش او البانجو ولا مش قانونى هناك :D :D
فيه حاجات كتيره اوووووى فى الويب سايت ده صعب انها تتكتب اصلا هى بس انك تدخل تتفرج عليها وتشوف الابهار 😋 ويا سلام بقى لو الموقع ده تشوفه ومع الموقع اللى فات هتبقى مش عايز تعرف اى حاجه تانيه من حد وده عن تجربه واللف على مواقع كتيييير ودول كانوا الخلاصه :D
شكرا ورحله سعيده مره تانيه

الكاتب : Ahmed Ramzy‎