كحك العيد .. داااايب وطعم ونفس حكااايه
بسم الله
المقادير
دول مقادير 2كيلو دقيق بس لانى للاسف تعبانه ومقدرتش اعمل اكتر من كده
2كيلو دقيق
2 كوب نشااا
كيلو ذبده ومج كمان مليان
مج ونص سمسم محمص
2 معلقه كبيره خميره فوريه ++معلقه صغيره بيكنح باودر+2معلقه كبيره سكر
فانيليا +ذره ملح
2مج لبن دافى
الطريقه
ننخل الدقيق ونحط عليه البودر ونطحن نص المج السمسم فى المطحنه ونحطه على الدقيق
ونجهز فى طبق على جمب معلقتين الخميره مع اللبن الدافى والسكر
ونقدح السمنه الكيلو وعليه مج كمان
اول ما تتقدح ننزل عليه بالسمسم عشان السمسم يطلع الزيوت اللى فيه وتبقى ريحته ظاهره
وبعد كده ننزل بالسمنه على الدقيق
ونقعد ندعك ونبس السمنه مع الدقيق كويس جداااااا لحد ما العجينه تنعم معانا
وننزل عليهم باللبن والخميره ونلم بيها العجينه ونسبها تترتاح ونشكل بقى ونحشى زى محنا عايزين بس كده
😘بالنسبه لشكل ورقه الشجر
انا شكلت الكحكه عادى مدوره زى ما بنعملها وبعدين اضغط عليها ب صباع ايدى الكبير وب ايدى التانيه اسحب الكحكه لبره هتتشكل معاكى بمنتهى السهوله
وبالف هناا
بجد جربو الطريقه والمقادير دى مظبوطه جداااااا
ناعم وطعم ونفسه حكاااايه
وكل سنه وانتم بالف خير
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..