طرقة طبخ لسان العجل - لحمة مميزة #عيد_الاضحى

اكله لذيذه جدا من المطبخ المصري الاصيل،ليه فوائد كتير جدا لجسم الانسان بالاضافه لطعمه الجميل جدا والمميز❤

الطريقه:
نغسل اللسان كويس بالملح والدقيق والميه.انا كالعاده بستخدم دقيق الذره الاصفر في غسيل اي لحوم .
نجيب حله نحط فيها بوكيه جارنيه
طماطم بصل كرفس جزر وورق لورا وكان فص حبهان واول ما الميه تغلي احط اللسان كامل.
مهم جدا تشيلي الريم الي بيتكون على جوانب الحله(الرغوه البيضه الي بتتكون)
وبعدها نحط فلفل اسود ومكعب مرقه. ماجي ونغطي الحله ونسيبها ساعه لساعه وربع لحد ما يستوي تماما.
كل ما كان اللسان اصغر حجما والعجل اصغر سنا التوسيه بتكون اسرع.
يطلع من الميه وهووووووب نشيل القشره بتاعته.
لو سبتيه يبرد مش هتعرفي تشليها ابدا من عليه.
بعد تقشيره قطعيه شرايح وشوحيها في معلقه سمنه ورشي عليها ملح وفلفل