جدول رحلتي الي جورجيا - رحلة وفسحة وطريقة استخراج التأشيرة للمصريين

من أجمل الدول اللي ممكن تسافرها في اي وقت خلال السنة اجرائتها سهلة جدا والبلد رخيصة

جرد ما تنزل البلد دي هتحس كدة انك دخلت فيلم تاريخي.. المباني والبيوت ومعمارها حاجة كدة شياكة من معمار زمان..

والشوارع والناس لوحدها كفاية تحسسك بالراحة النفسية
جورجيا من دول شرق اوروبا من الشمال روسيا ومن الغرب تركيا
خلينا نبدأ بالمدن :

1- Tbilisi العاصمة

انا اقعدت اسبوع كامل فيها لان باقي المدن ممكن تتراح يوم واحد رايح جاي ومش متعبة
كنت برجع اقضيها لف بليل في تبليسي لغاية الصبح من جمالها
تقدروا تزوروا فيها (( Mother of Georgia / بتشوفوا التمثال من اي مكان في العاصمة لانه موجود في اعلي قمة في المدينة
Old tbilisi / التلفريك

مسجد jumah mosque /
secret waterfall / Sulfur baths / Melekti Cathedral /
Mount Mtatsminda / The bridge of peace / Narikala fortress / Tsminda sameba church /

Mtatsminda Amusement park تاخدوا القطر هيطلع بيكم علي حديقة
National Botanical park
في لعبة بقي اسمها 13th floor زي horror house عندنا شوية رعب بقي لازم تجربوها موجودة في شارع شاردن))

2-Guduari

دي فيها الثلج بقي ومنتجع للتزحلق Guduari Ski resort.. ثلج ولعب للصبح
ممكن تركبوا هناك snowmobile وسعره 50 لاري
وتقدروا تركبوا parasailing ودي بالنسبالي كانت احلي تجربة جمدوا قلبكوا وانطلقوا سعره كان 250 لاري انا نزلت معاه وركبتوا ب 200 لاري

3- kazbegi وجبال القوقاز أعلي قمة في جورجيا

 الجبال طول الشتاء متغطية بالثلج عشان تطلع فوق تاخد عربية دفع رباعي
ب 50 لاري بيطلعك لجزء من الجبل والباقي تطلعوا ماشي هتشوفوا فوق جورجيا كلها وفي كنيسة انانوري فوق أعلي تلة هناك تقدروا تزورها
دي هتبقي تجربة مش هتتنسي حاجة خيال

4- Borjomi

تقدروا ترو

حوا فيها Mineral water park / Monument to Prometheus
vardzia مغارة علي جبل في كهف حاجة كدة ميكس
Rabati castle مكان جميل ومنظر رائع

5- kutaisi

prometheus cave / Gelatin Monastery / David Agmashenebeli Square
عشان الوقت كان في اماكن قافلة كتير
بالنسبة لباتومي انا مروحتهاش عشان الوقت وهي مدينة صيفية اكتر

6- Mtskheta مدينة هادية جدا وفيها كنائس وقلاع Jvari church و samtavro church

نيجي بقي للمهم الاجراءات :

1- الفيزا في حال مسافر من خارج مصر :

مفيش اسهل منها اونلاين ادخلوا ع الموقع
اسمه evisa
بصورة شخصية وصورة الباسبور scan ع الموقع وشكراً كدة في خلال 5 ايام بالظبط هتكون جاهزة وسعرها 20$ بس
خلي بالكم بس من مقاسات الصورة و الريسليوشن 300
** وانت مسافر تاخد معاك حجز الفندق والطيران وخطة للرحلة وتأمين وكشف حساب
"" في الغالب محدش هيطلبهم في المطار بس ده اللي مكتوب ع الموقع فبلاش تغامروا

2- الفيزا للمصريين من مصر:

محتاج فيزا من السفاره لو سنك من 18 الى 45 سنه و محتاج تصريح أمني من مجمع التحرير
**الطيران :
معظم الطيران في ترانزيت في تركيا ونظراً للجدال علي التصريح الامني هحتاجة لا مش هحتاجة.. ريحت دماغي وحجزت علي Aircairo من الغردقة طيران مباشر علي جورجيا وارخص كتيير
وممكن تحجزوا علي Flydubai من اسكندرية بس دي فيها ترانزيت في دبي

الاقامة :
مفيش أكتر من الهوستيل في البلد دي ادخلوا علي hostelworld واختاروا الهوستيل المناسب اسعارهم كلها بتبدأ من 8 لاري لغاية 15 لاري
الأكل:
الاكل الحلال موجود كله في تبليسي في شارع Merjanshevili هتلاقوا مطاعم تركي وعراقي وايراني كتيرر واحلاهم التركي
اشهر اكله هناك الخاتشبوري زي فطيرة بالجنة او بالبطاطس وممكن لحوم مش بتكون لحوم حلال طبعا فجربوا الجبنة فظيعة
أشهر مشروب ليمونادا
الشوبينج :
موجود كله في Merjanshevili و Rustaveli مناطق في العاصمة تبليسي وفي Tbilisi Mall
** الدولار = 2.70 لاري
غيروا 20 او 10 دولار من المطار بس و بعد كدة مفيش اكتر من الصرافات برا وجمب بعد وفي المترو صرافة بيكون سعرها عالي
لما تطلعوا من المطار في باص رقمه 37 ده ب بنص لاري هيوصلكم لغاية Merjanshevili
المواصلات:
رخيصة جدا هناك الباص بنص لاري
المترو لاري
التلفريك 2 لاري
عشان تتنقل من مدينة لمدينة انا كنت مأجرة عربية ارخص واريح كتير واتفقوا معاه ياخدكوا المطار من ضمن التكلفة
سافروا جورجيا هتتبسطوا جدا وهترجعوا عندكوا طاقة ايجابية فظيعة
Posted By : Rehab Ahmed