العجينة القطنية خلية النحل محشية جبنة كريمية

رووووعة بنصحكم تجربوها 😋😋😉 الطريقة
.
 3 كاسات طحين ....معلقتين كبار حليب بودرة ...معلقة كبيرة سكر ..معلقة صغيرة بيكنج بودر ..رشة ملح
منخلطن مع بعض ..

بكاسة مي دافيه منحط معلقة كبيرة ممسوحة خميرة ومعلقة كبيرة سكر منغطيهن ومنتركن خمس دقايق ..
منضيف للنواشف ربع كاسة زيت نباتي منفركهن بالطحين فرك ليصير متل الرمل ومنضيف كاسة المي مع الخميرة ومنعجن منيح خمس دقايق ..بآخر العجن منضيف معلقة كبيرة زبدة طرية  ومنعجن ..
منغطيها بنايلون ومنتركها تتخمر ساعة او ساعتين ..
منقطعها كرات متساوية الحجم ومنحشيها جبنة كريمي او اي نوع بتحبوه منصف الكرات جنب بعض بصينية الفرن مبطنة بورق الزبدة ومنتركها ترتاح نصف ساعة ...
خليط دهن الوجه
بيضة مع رشة فانيلا ومعلقتين حليب سائل ومنرش عليها سمسم ...
مندخلها لفرن حاامي نار من تحت وفوق لمدة 5 او 10 دقايق حسب حماوة فرنك
ملاحظة ..ممكن تحشوها جبنة كيري وتسقوها بحليب مكثف محلى بيعطيها طعم رائع  وألف صحة وهنا ❤
.
.