ورقة اللحمة يا جماعة دي اكلة تحفة و احلي حاجة لو لحمة موزة تبقي جميلة جدا جدا
بالطريقة مكتوبة
ورقة اللحمة بالخضار::
المقادير:: لحمة كمية حسب الطلب - طماطم-بطاطس - بصل - ممكن جزر و بلاش كوسة عشان هتتهري - فلفل حار - فلفل الواان- معلقة زبدة و معلقة زيت
البهارات:: (ملح و فلفل اسود و كمون و كزبرة و بابريكا و توم و بصل بودر و شطة)
الطريقة ::
هنقطع اللحمة مكعبات و البصل شرائح و الطماطم مكعبات و الفلفل شرائح
نتبل اللحمة بالفلفل الاسود و الملح
و في طاسة معلقة زبدة و معلقة زيت و ننزل باللحمة و نقلب كويس جدا لمدة ربع ساعة كدة تقليب مستمر
في صينية هنجيب فويل نحطه تحت و فوقه ورق زبدة و نحط اللحمة مع البطاطس و الطماطم و الجزر و الفلفل و البهارات و نقلب كويس جدا و نحط مكعب زبدة
نقفلها كويس بالفويل و ندخلها الفرن ساعة و ربع و نشوف سوا اللحمة بالشوكة و نحط نص كوباية مية
و بس كدة
0 تعليقات
أهلا وسهلا ومرحبا بك في موقع تغطية مباشر : ضع ردا يعبر عن اناقة أخلاقك ، سنرد على اي استفسار نراه يحتاج الى اجابة ، ادعمنا برأيك وضع تعليقا للتشجيع ..