وصفة العيد : ورق عنب بستيك لحمة

 طريقة عمل القمر  ورق عنب بستيك لحمة
طريقة ستيك اللحمة؛' بجيب اللحمة اتبلها بملح و فلفل اسود و اشوحها علي جريل كل ناحية عشر دقايق بس كدة

تاني حاجة الخلطة ::

في حلة هحط معلقتين زبدة و معلقتين زيت و افرم بصلتين متوسطين الحجم و اقلب كويس لحد ما تدبل اكون عملت عصير طماطم ٤ وحدات و فصين توم و قرن فلفل احمر حار و انزل بيهم علي البصل واقلب كويس احط ملح و كزبرة و بابريكا و معلقة صلصة كبيرة اول ما تتسبك انزل بالشبت و البقدونس ربطتين و يكونو متقطعين كويس و مغسولين حلو اوي و كدة الخلطة تمام 

تالت حاجة :: ورق العنب

في حلة نصها مية هحطها علي النار مع واحدة ليمونة تغلي انزل بورق العنب ياخد عشر دقايق سلق و اطلعه في مصفة

اخر مرحلة بقي :: 💖💖هجيب بصلة و اقطعها شرايح و اتبلها بملح و فلفل و سماق و بصل و توم بودر و بابريكا و معلقة زيت و اشوحها علي النار اقبلها مع الستيك في حلة الحشو و ابتدي احشي ورق العنب فوقهم و احط معلقة سماق و شوربة تغطي المحشي اولع علي نار عالية اول ما تغلي اوطي النار لحد ما يستوي و بس كدة و بألف هنا