الممبار العادي في البيت - طريقتي تحفة بجد

 الممبار العادي ::

الطريقة بتختلف من حد ل حد بس دي طريقتي تحفة بجد♥ 

 

الطريقة :
هجيب كيلو ممبار اغسليه كويس جدا و جدا جدا دي اهم حاجة بخل و ليمون و ملح بقي نظبطه جدا
و في حلة هعمل خلطة المحشي
بصلتين كبار مفرومين و معلقة زبدة و معلقة زيت و اقلب لحد ما يدبل انزل بوحدتين فلفل حار متقطع صغير و اقلب و بعد كدة عصير الطماطم كيلو طماطم ومعلقة صلصة و معلقة ملح و كزبرة و بابريكا و بس كدة اسيبها تتسبك كويس و انزل بالخضرة متقطعة شبت و بونس و بس كدة ♥🙈🥰🥰
كل كيلو ممبار بياخد كيلو رز او اقل شوية
هحشي الممبار و افرده يبقي رفيع جدا و اقطع لقطع صغيرة
و في حلة هحط ملح و ورق لورا و حبهان و كبابة صيني و اسيبهم يغلو و انزل بالممبار واحدة واحدة بياخد تسوية ساعة كاملة مع التقليب و نقلب براحة
وبعد كدة اطلعه في مصفة و احمره