الناس الى ناويه تيجى الامارات ... شويه نصايح عشان ميضحكش عليكم

 الدرهم اليوم (4.25 ) جنيه
الفيزا 3 شهور سياحه كبيرها 800 درهم
الطيران : ارخص طيران العربيه للطيران و ارخص مطار الشارقه
السكن ( فى تلت مدن رئيسيه للسكن ( عجمان) و دى ارخص واحده بس بعيده و بعدها ( الشارقه و دى برضو مواصلتها مكلفه) و فى دبى و دى تعتبر اغلاهم بس هتوفر شويه فى وقت و وفلوس الانتقالات 

اسعار السكن بتبقى سرير من اول 550 درهم و مفتوح فى ناس كانت بتدفع 2000 درهم فى غرفه مشتركه  المهم تاخد حاجه جنب محطه مترو او باص و المتوسط بتاع الايجار فى البلد عموما للسرير من 750 درهم ل 1000 درهم .. شامل ميه و كهربا و نت
البلد كلها بتتكلم انجليزى فانت لو مش بتعرف تتكلم انجليزى متجيش الامارات
السواقين و عمال النظافه و بتوع التذاكر و المحلات و التاكسى كلهم بيتكلمو انجليزى و نادر لما تلاقى حد بيتكلم عربى
( اوعى تركب تاكسى غالى جدا )
فى اقامات سنتين اسعارها فى حدود 12 الف درهم و هى مبلغ كتير و مش مجديه قوى احسنلك شوف وظيفه تعمل اقامتك عليها
المواصلات عجمان معرفلهاش نظام مواصلات الصراحه ... الشارقه فى بطاقه ساير بتركبك اوتوبيسات بتلف بعض المناطق ب 4 و نص درهم الاتجاه الواحد
دبى فى كارت بتشتريه و تشحنه رصيد و تركب بيه كل المواصلات
اوتوبيس او مركب او مترو و التذكره من 3و نص درهم ل 7 درهم على حسب اتجاهك ..
الاوتوبيسات مبتقفش غير فى المحطات و مينفعش تاكل جواها
مينفعش تعدى الشوارع برا الاشارات
 ( الغرامات بتبداء من 200 درهم ل 400 درهم )
الشغل
 اماكن تشوف الشغل فيها قبل ما تروح
..
لما تشتغل عشان تاخد اقامه هيتعملك كشف طبى بيرفضو فيه ناس كتير فاحسنلك اققرا عنه قبل ما تصرف فلوس كتير
دى معلومات عن عقد العمل عشان محدش ينصب عليك هناك الدوله بتحميك
بيانات حول اقامه العمل فى الامارات مهمه
لازم تبقى عارف من هنا الشركات الى هتروح تقدم فيها عشان هناك مينفعش تقول هنزل الف و ادور الدنيا غاليه و اللف مكلف جدا
اشهر شركات
( النابوده - الفطيم - الحكير - دو - اتصالات الامارات - و منطقه محطه مترو مدينه الانترنت هتلاقى فيها شركات عالميه كتير - هتلاقى اماكن توظيف فى منطقه اسمها سوق نايف و ديره دبى كتير برضو )
حمل ابليكيشن RTA من على جوجل ستور او ابل ستور ... دا هيئه المواصلات هناك بيعرفك سير خطوط المواصلات و مواعيدها من غيره مش هتعرف تتحرك
المواصلات بتقفل من 12 و بعدها ملكش غير التاكسى الى بياكل الفلوس اكل
الانترفيوهات هناك هتبقى مع ناس مبتعرفش عربى اصلا و هيبقى قاعد جنبك
هنود و باكستانيين و اسيويين و روس و كل الجنسيات العربيه
فحتت انك بتقول كلمتين انجليزى و بتعرف تفتح الايميل من الكمبيوتر دى متنفعش هناك
لازم تبقى رايح مؤهل فعلا  و مميز فى حاجه
فى ناس مرتباتها1500 وفى 2000
 ( 3000 درهم ل 3500) اققل من كده هتعيش بصعوبه
متوسط راتب المصريين هناك من 3500 ل 10000 درهم
( مش بتكلم على فئه المهندسين و الدكاتره و المدراء طبعا دول بياخدوا كتير )
بالتوفيق
اللى حابب يسال ع حاجه يتفضل .......