طريقة عمل شوربة لسان العصفور بدون م الشروبة تختفي

 

لسان العصفور بيشرب الشوربة بتاعته وانتي بتسويه وتيجي ساعة التقديم تلاقيه من غير شوربة؟! 🤔

شوفي يا ست الكل...

 

 

• تحمير لسان العصفور:

  • لسان العصفور لازم يتحمر كويس في المادة الدهنية لغاية ما لونه يتحول للون الأشقر. ✋

• إضافة الشوربة أو المياه:

  • بعد ما يتحمر، نضيف الشوربة أو المياه وتكون (سخنة🔥).

• الطبخ:

  • نسيبه ياخد غلوة واحدة بس، وبعدين نطفي عليه. هيكمل سواه بدرجة حرارة الشوربة بتاعته وهيطلع مظبوط جدا. 👌

• ملحوظة مهمة:

  • شوربة لسان العصفور مش بتتغطى أثناء التسوية. 😌

وبألف هنا 😁 

أنا هضيف نقطة اتعلمتها من جدتي بعد ما لسان العصفور يتحمر بنحط عليه ربع كوباية ماية فاتره من الحنفية ونسيبه لحد ما يتشرب المايه دي ودا ليه بقي علشان ينزل النشا الزيادة اللي فيه واللي بيكون السبب أنه يشرب أي كمية شوربة تتحط له وبعدين نحط الشوربة ونظبط الملح ونسيبه يغلي غلوة واحدة ونطفي عليه


    انا بحط كبشه شوربه بس تستوي فيها علي نار هاديه وبعدين بزودها وهي بتغلي ساعه التقديم . دي احسن طريقه تجنبا ان لسان العصفور يكون نوعه مش حلو ويشرب الشوربه حتي لو اتعملت بطريقه البوست لان كنت بعملها كده الاول وساعات تظبط وساعات يشرب برضه الشوربه فعرفت ان نوع لسان العصفور هو الفيصل

        اعتقد ي شيف من خلال تجربتي فعلياً ان كمية لسان العصفور هي السبب، يعني لسان العصفور بيصب جامد فاحنا نقلل الكمية ي
        عني الكيس يتعمل ع تلات مرات دا لو الشوربة لسان عصفور بس لاكن لو مع خضار يبق يتعمل على اربع مرات او خمسه ، يعني يدوب تملى كوباية شاي

• •